PioLog

Mittwoch, 16. Juli 2014

«Mega kuule Tag»

Hüt isch e mega kuule Tag gsi. Es isch nämlich s‘Benefizässe ir Gmeind Alterswil vor dr Tür gstande. Mir si diräkt nachem Zmorge mit de Velos zum Primarschueuhus düset. Dört acho hei mir alles parad gmacht, bis am öufi die erste Lüt usem Dorf cho si.
Alli Pios si voll engaschiert drbi gsi und hei kochet, serviert und dekoriert. Immer wie meh Mönsche sind ufe Schueuhusplatz gströmt und hei sech richlech mit Gulasch und Getränk ideckt. Wo d Lüt ferti mit esse si gsi, ischs as ufrume und putze gange. Am Endi hei aui no vor dr Heireis e Rundi Fuessbau gspiut. Ir Nacht si aui mied und glücklech go schlofe.